Kryetari i Aleancës për Ardhmërinë e Kosovës, Ramush Haradinaj, është takuar të enjten me ambasadorin e Mbretërisë së Bashkuar në Kosovë, Jonathan Hargreaves.
Përmes një njoftimi, Haradinaj bëri të ditur se gjatë takimit është biseduar për zhvillimet aktuale politike në vend, si dhe për mundësitë e avancimit të marrëdhënieve bilaterale ndërmjet Kosovës dhe Mbretërisë së Bashkuar.
“Me ambasadorin Jonathan Hargreaves biseduam për proceset në të cilat po kalon vendi dhe për avancimin e marrëdhënieve bilaterale mes Mbretërisë së Bashkuar dhe Republikës së Kosovës,” u shpreh Haradinaj.
Ai gjithashtu falënderoi ambasadorin Hargreaves për angazhimin dhe mbështetjen e vazhdueshme që Mbretëria e Bashkuar i jep Kosovës./teve1.info/
