Haradinaj ka njoftuar se temat kryesore në këtë takim ishin bashkëpunimi mes Kosovës dhe Shqipërisë në ekonomi, infrastrukturë, siguri dhe politikë të jashtme.
Tutje Haradinaj ka thënë se në këtë takim kanë diskutuar edhe për projektin e Hekurudhës Prishtinë – Durrës, raporton teve1.info
“Bashkëbiseduam gjithashtu për projektin e Hekurudhës Prishtinë – Durrës si projekt i domosdoshëm për të dyja vendet, si dhe dhënien e dyshtetësisë për qytetarët tanë”, ka shkruar Haradinaj.
Ai po ashtu ka falënderuar Edi Ramën për ndihmën që i’a ka dhënë Kosovës gjatë krizës energjetike.
“Falënderova Kryeministrin Rama për ndihmën e shtetit shqiptar gjatë krizës energjetike në Kosovë dhe shpreha nevojën e gjetjes së mënyrave të bashkëpunimit të ngushtë mes dy vendeve në këtë kohë aspak normale”, ka shkruar lideri i AAK-së në Facebook.
Bashkë me Haradinajn ishin edhe disa zyrtarë dhe deputetë të Aleancës për Ardhmërinë e Kosovës.