Kryetari i Aleancës për Ardhmërinë e Kosovës, Ramush Haradinaj ka takuar në Ambasadën Amerikane në Prishtinë, ambasadorin e ShBA-së në Kosovë, Jeff Hovenier, me të cilin kanë diskutuar për zhvillimet politike në vend.
Për takimin Haradinaj ka thënë se e ka falënderuar ambasadorin amerikan për angazhimin e tij dhe të Shteteve të Bashkuara të Amerikës ndaj Kosovës.
Ai ka thënë se partneriteti i Kosovës me ShBA-në është i përjetshëm.
“Në Ambasadën Amerikane, një takim përmbajtësor me Ambasadorin z. Jeffrey Hovenier, me të cilin diskutuam për zhvillimet politike. E falënderova personalisht Ambasadorin Hovenier për angazhimin e tij dhe të ShBA-ve në mbështetje të Kosovës”.
“Partneriteti i vendit tonë me ShBA-të është afatgjatë, strategjik dhe i përjetshëm”, ka shkruar Haradinaj në Facebook.
