Anëtari i Kryesisë së Aleancës për Ardhmërinë e Kosovës, Daut Haradinaj u ka bërë thirrje deputetëve që sot në Kuvend ta mbështesin Propozim-Rezolutën për mbështjetjen urgjente financiare të Policisë së Kosovës.
Haradinaj tha se si kurrë më parë deputetët duhet të jenë unik për Policinë e vendit.
“Sot, deputetët e Kuvendit të Kosovës duhet të dëshmojnë që janë vërtetë në anën e Policisë së Kosovës duke plotësuar kushtet për ta.Ata që na nderojnë e na bëjnë krenarë e besa edhe e rrezikojnë jetën në shërbim të mbrojtjes së rendit dhe ligjit, s’duhet lënë në mëshirën e fatit, s’duhet lënë dyerve të diskotekave për një kafshatë buke. Si kurrë më parë të jeni unik për policinë që e kemi”, tha ai./teve1.info./