Kryetari i Aleancës për Ardhmërinë e Kosovës, Ramush Haradinaj ka thënë se persona që nuk janë banorë të Junikut po marrin pjesë në proces të votimit.
Ai këtë e ka thënë duke u bazuar në të dhënat që siç ka thënë ai i kanë marrë nga shtabi i tyre në Junik.
“Të dhënat tona nga shtabi në Junik, tregojnë se shumë persona po marrin pjesë në procesin e votimit në Junik pa qenë banorë të kësaj komune. Kujtojmë se një veprim i tillë përbën shkelje të ligjit dhe çdo rast i tillë do t’i përcillet institucioneve përkatëse, përfshirë Prokurorinë, për hetim dhe veprim, ku do të bëjmë padi për secilin person veç e veç. Ftojmë të gjithë qytetarët që të respektojnë rregullat dhe të kontribuojnë në një proces zgjedhor të drejtë, transparent dhe në përputhje me ligjin”, ka shkruar Haradinaj.
