Kryetari i Aleancës për Ardhmërinë e Kosovës, Ramush Haradinaj, ka deklaruar se shqiptarët ndajnë të njëjtin fat historik me hebrenjtë.
Në ditën Përkujtimore të Holokaustit, Haradinaj ka shkruar se bota sot përulet para miliona viktimave të Holokaustit, raporton teve1.info.
“Bota sot kujton dhe përulet para miliona viktimave të Holokaustit. Me hebrenjtë ndajmë fat të ngjashëm historik, andaj dhe bashkëndjejmë me dhembjen e tyre, e ndjejmë më së miri ne që kemi përjetuar edhe vet gjenocidin. Në kohë jo të lehta, shqiptarët u radhitën drejt. Ata rrezikuan, mbrojtën të pambrojturin duke i strehuar dhe duke mos rënë pre e të keqes së madhe të luftës së dytë botërore. I përjetshëm kujtimi për viktimat e Holokaustit”, thuhet në postimin e Haradinaj./teve1.info/.
