Haradinaj ka përmendur edhe refuzimin e Qeverisë për gazsjellësin amerikan, raporton Teve1.info
“Nuk e kemi hallin te Martin Berisha por te forca politike që udhëheq vendin e cila ka qenë kundër investimeve në energji tash e 20 vite që nga fillet e veta si lëvizje ende pa qenë parti politike, LVV e ka pas qartë që është kundër investimeve në energji. Së fundi këta ishin kundër gazsjellësit nga Shkupi në Prishtinë, i vetmi vend në kontinentin tonë që e ka refuzu gazin amerikan. Gjitha këto fakte tregojnë se LVV në në një politikë ka qenë konsistente dhe është kundër investimeve, resurseve dhe po ashtu kundër energjisë amerikane”, tha ai.
Haradinaj thotë se LVV-ja po mbron interesat e kompanisë apo interesat politike të njerëzve të Stanishiqit dhe Rankoviqit.
“Pyetja shtrohet kah i kanë marrë këta njerëz informatat dhe kush ka ndikuar në turnin e këtyre njerëzve që janë shumë të zotë dhe të mençëm që din me mbajt leksione për ditë. Si ka ardhur deri në këto qëndrime LVV, përgjigjen e kemi marrë tani dhe atë krejt rastësisht në transaksionet e një mendimtari të LVV që ka ndikim të vendimet e këtyre dhe me siguri që nuk e ka bërë vetëm për vete transaksionin. Po bëhet fjalë për një mendësi kolektive e lidhur dhe e varur pikërisht nga ca për të cilët në vazhdimësi e ka paralajmëruar Kosovën se pushtetarët mbrojnë interesat e të tjerëve po del se LVV po mbron interesa të kompanisë ose interesave politike të njerëzve të Stanishiqit dhe Rankoviqit”, ka thënë ai.
Ai i drejtohet Qeverisë se për situatën e sigurisë AAK-në e ka në krah por për kursin politik siç u shpreh ai të ndjekur në interes të nipave të Rankoviqit dhe Stanishiqit e ka kundër.
“Nuk mundësh sot me i thënë partive opozitare mos të bëjmë debat të brendshëm se situata e sigurisë është kjo apo ajo. Sa për situatën e sigurisë jemi bashkë na keni në krah por sa për kursin politik të ndjekur në interes të nipave të Ranakoviqit dhe Stanishiqit na keni kundër”, tha Haradinaj. /teve1.info/
