Haradinaj ka theksuar se Qeveria ka dështuar veçanërisht që vendit t’i ofrojnë investime kapitale apo pako zhvillimore, shkruan teve1.info
“Aleanca po i sheh me shqetësim dështimet e njëpasnjëshme të qeverisë aktuale, veçanërisht në dështimin e tyre që vendit t’i ofrojnë investime kapitale apo pako zhvillimore, që ka shkaktuar situatë të rëndë ekonomike e sociale. Me vetëm 7% rritje reale ekonomike, kryesisht falë remitencave, me deficitin tregtar mbi 3 miliardë euro, rritjen enorme të çmimeve, kjo qeveri nuk sjellë asnjë shpresë për ekonominë e vendit dhe mirëqenien e qytetarëve”, ka shkruar Haradinaj në një postim në Facebook.
Ish-kryeministri ka shtuar se komunat të cilat po udhëhiqen nga AAK-ja, gjatë 100 ditëshit të parë të udhëheqjes, kanë treguar se janë shembull i mirë i qeverisjes në nivel vendi.
Ai ka shtuar se Qeveria duhet që sa më parë ta fillojë rishikimin e buxhetit, e jo sipas tij, të keqpërdoret buxheti për qëllime populiste e elektorale.
“Në anën tjetër, komunat që udhëhiqen nga AAK, gjatë 100 ditëshit të parë të udhëheqjes, kanë treguar dinamizëm të lartë në qeverisje dhe janë shembull i mirë i qeverisjes në nivel vendi. Qeveria e Kosovës sa më parë duhet ta ndryshojë dhe ta përshtat me kushtet e reja makroekonomike, kornizën afatmesme të shpenzimeve dhe të fillojë rishikimin e buxhetit, duke ridestinuar mjetet që nuk do të mund të realizohen, përfshirë dhe për Ligjin e Pagave, e jo të keqpërdoret buxheti për qëllime populiste e elektorale”, ka shkruar Haradinaj në Facebook. /Teve1.info/
