Kryetari i Aleancës për Ardhmërinë e Kosovës (AAK), Ramush Haradinaj, ka kujtuar ish-presidentin Ibrahim Rugova në 18-vjetorin e ndarjes nga jeta.
Haradinaj thotë se Rugova me drejtësinë dhe vendosmërinë e tij, ndërtoi një lidhje të ngushtë me Perëndimin, veçmas duke shfaqur kujdesin në forcimin e miqësisë së përjetshme me ShBA.
“Presidenti Ibrahim Rugova, me drejtësinë dhe vendosmërinë e tij, ndërtoi një lidhje të ngushtë me Perëndimin, veçmas duke shfaqur kujdesin në forcimin e miqësisë së përjetshme me ShBA. Sot, në 18-vjetorin e ndarjes nga jeta e kujtojmë dhe nderojmë angazhimin e tij në shërbim të çështjes kombëtare në rrethana shumë të rënda për shqiptarët e për Kosovën”, ka shkruar Haradinaj në Facebook.
Tutje, ai ka thënë se populli i Kosovës do të jetë gjithmonë mirënjohës për kontributin e tij historik për lirinë dhe pavarësinë e Kosovës./teve1.info/
