Kryetari i Aleancës për Ardhmërinë e Kosovës, Ramush Haradinaj, është shprehur i pikëlluar për vdekjen e ish-presidentit të Finlandës, Martti Ahtisaari.
Ramushi, Ahtisaarin e cilësoi mik të madh të Kosovës, si dhe njërin ndër figurat kyçe në rrugën e shtetësisë.
“I pikëlluar për ndarjen nga jeta të ish-Presidentit Martti Ahtisaari, një mik i madh i Kosovës, njëri ndër figurat kyçe në rrugën tonë drejt shtetësisë”, ka shkruar Haradinaj në Facebook.
Ramushi tha se populli i Kosovës është gjithmonë mirënjohës për kontributin e tij.
“Populli i Kosovës i është mirënjohës gjithmonë për kontributin e tij në shtetndërtim dhe mbështetjen në fuqizimin e subjektivitetit ndërkombëtar të shtetit të Kosovës”, ka shkruar tutje ai.
Ish-ndërmjetësuesi kryesor i Kombeve të Bashkuara për zgjidhjen e statusit të Kosovës, ka vdekur të hënën më 16 tetor në orën 6:40 në Helsinki./teve1.info/
