Në Ditën Botërore të Korrupsionit, kryetari i Aleancës për Ardhmërinë e Kosovës, Ramush Haradinaj, ka akuzuar qeverinë në detyrë për mosveprim në luftën kundër korrupsionit.
Përmes një postimi në Facebook, Haradinaj ka thënë se Kosova është në kulmin e korrupsionit dhe ka theksuar se gjatë pesë viteve të qeverisjes së Albin Kurtit asnjë i korruptuar nuk është arrestuar.
“Sot shënohet Dita Botërore Kundër Korrupsionit , pikërisht në kulmin e korrupsionit në vendin tonë. Në pushtet kanë ardhur me këtë kauzë, “Do ta luftojmë korrupsionin”. Kanë kaluar pesë vjet dhe askush nuk është në burg, por po aq pesë vjet ka që nuk ka ditë pa dalë ndonjë aferë korruptive, në të katër anët dhe kudo që ka prekur ky pushtet në krye. Çdo ditë nga një dosje e re. Është e vërtetë që Dubrava nuk ka kate të mjaftueshme për këta të korruptuar. Ju vjen dita”, ka shkruar Haradinaj./teve1.info/
