Haradinaj ka thënë se shqiptarët dhe Kosova nuk do të ishin këtu ku janë sot pa përkrahjen e pa rezervë të Senatorit, Bob Dole.
Ai theksoi se rruga e Kosovës deri tek liria identikifohet me Senatorin Dole që ishte i pari që njohu luftën e drejtë dhe të paalternativë të UÇK-së, raporton teve1.info
“Shqiptarët përgjithësisht, veçmas Kosova, nuk do të ishin këto që janë pa përkrahjen e parezervë e të vazhdueshme të Senatorit amerikan, Bob Dole. Rruga e Kosovës deri tek liria identifikohet me Senatorin Dole, i pari që njohu luftën e drejtë dhe të paalternativë të UÇK-së. Ishte zëri më i spikatur dhe më me ndikim në politikën amerikane që njohu dhe mbrojti kauzat e shqiptarëve. Nder për mua që arrita ta njoh nga afër e të marrë këshilla nga ai”, ka shkruar Haradinaj
“Mirënjohës sot e përgjithmonë Senatorit Dole!”, ka shtuar ai.
Kujtojmë se ish-senatori republikan, Bob Dole ka ndërruar jetë në moshën 98 vjeçare më 5 dhjetor 2021.
Në vitin 1990, Dole ka udhëhequr një delegacion të SHBA-së në Kosovë, ndërsa në gusht të vitit 2020, për nder të angazhimit të tij për Kosovën, busti i tij është vendosur në Prishtinë./teve1.info
