Kryetari i Lëvizjes Vetëvendosje, Albin Kurti, i ka dërguar një letër, kryetarit të LDK-së, Lumir Abdixhiku, në të cilën e ka lutur për koalicion qeverisës.
Lidhur me këtë, kryetari i AAK-së Ramush Haradinaj ka thënë se është dashur ta bëj menjëherë pas zgjedhjeve e jo të pres deri tani.
Haradinaj ka shtuar se praktika është se ai që fiton më shumë vota bën konsulta me partitë tjera për opsionet e ecjes përpara.
“Nuk mund t’i komentoj ato letra e ato që i kanë thënë. Praktika është se ai që fiton më shumë vota bën konsulta me partitë tjera për opsionet e ecjes përpara. Sikurse dihet ka edhe konsulta mes opozitës. Është dashur t’i bëjnë menjëherë pas zgjedhjeve jo të presin të vijnë deri këtu. Është situatë e rëndë në Kosovë. Ne po harrojmë tash tema tjera, rritja e çmimit të energjisë”, është shprehur ai para gazetarëve.
