Kryetari i Aleancës për Ardhmërinë e Kosovës, Ramush Haradinaj ka kujtuar Haxhi Zekën dhe Shaban Polluzhën si prijës popullorë në përvjetorin e rënjës së tyre.
Haradinaj përmes një postimi ka thënë se Zeka e Polluzha do të kujtohen për përpjekjet e tyre për çlirim nga pushtuesit.
ADVERTISEMENT
Ai tha se ata kanë mbetur simbole të përkushtimit ndaj atdheut.
“Ata e deshën lirinë më shumë se veten, andaj u bën frymëzim për brezat e ardhshëm, për vazhdimin e përpjekjeve për liri. Haxhi Zeka e Shaban Polluzha, prijës popullor të rënë në periudha të ndryshme historike, përgjithmonë do të kujtohen për përpjekjet e tyre për çlirim nga pushtuesi. Ata mbeten simbole të përkushtimit ndaj Atdheut”, ka shkruar Haradinaj në Facebook./teve1.info/
