Përmes një postimi në Facebook, Haradinaj u shpreh se gjatë takimit ka ripërsëritur përkushtimin për një marrëveshje gjithëpërfshirëse që për epilog ka njohjen reciproke të Kosovës dhe Serbisë.
“Në Departamentin e Shtetit u prita sot në takim nga emisari amerikan Gabriel Escobar Ndihmës Asistent i Sekretarit të Shtetit për Çështje të Evropës dhe Evroazisë. Biseduam për temat e politikës së jashtme dhe sigurisë në Kosovë, dhe ripërsërita përkushtimin tonë për një Marrëveshje Gjithëpërfshirëse ligjërisht të obligueshme, e cila ka epilog njohjen reciproke dhe respekton integritetin, sovranitetin dhe rendin kushtetues të Republikës së Kosovës”, shkroi ndër tjerash ai.
Tutje, kreu opozitar shtoi se në takim me Escobarin ka theksuar se kjo marrëveshje mund të arrihet vetëm me rolin aktiv të SHBA-së.
“Theksova se kjo gjë mund të arrihet vetëm me rolin aktiv të Shteteve të Bashkuara të Amerikës. Falënderova z. Escobar për angazhimin e tij të jashtëzakonshëm për Kosovën”, shkroi ai./teve1.info/.
