Ish-nënkryetari i OVL-UÇK-së, Nasim Haradinaj ka thënë se nuk pret asesi që Gjykata Speciale të lëjëojë ish-presidentin Hashim Thaçi që të marrë pjesë në varrimin e babit të tij.
Haradinaj tha se kjo gjykatë më së paku respekton të drejtat e njeriut dhe sjellja e më hershme ka treguar se nuk do të lejohet.
“Duke e njoftuar këtë gjykatë në brendi të saj dhe duke ia ditur sjelljet që ka bërë të mëhershme nuk ka as teori që Specialja do ta lejojë sepse kjo gjykatë më së paku respekton liritë dhe të drejtat themelore të njeriut. Kjo gjykatë pra, unë nuk e pres që do ta lejojë, në asnjë mënyrë. Kjo Gjykatë përpos që dëshiron të bëjë presion psikologjik ndaj tyre… “, ka thënë ai.
Haxhi Thaçi, babai ish-presidentit Hashim Thaçi do të varroset të martën në fshatin e tij në Burojë të Skenderajt.
Njoftimi është bërë i ditur nga Komuna e Skenderajt, ku thuhet se varrimi i Thaçit bëhet nën përkujdesjen e kryetarit të kësaj komune, Fadil Nura.
