Haradinaj në Facebook ka shprehur shqetësimin e tij për siç ka thënë ai sulmet që po u bëhen gazetarëve nga pushteti aktual.
“Janë tejet shqetësuese sulmet që u janë bërë gazetarëve e mediave, nga eksponentë të ndryshëm të pushtetit aktual. Liria e mediave duhet të jetë e pacënueshme. Ky është obligim, jo vetëm kushtetues e ligjor, por edhe moral”, ka shkruar ai.
Tutje ai tha se sot në Ditën Botërore të Lirisë së Mediave, duhet të bashkohemi në mbrojtje të këtyre vlerave të panegociueshme të demokracisë.
Postimi i plotë:
Një shoqëri është e lirë po aq sa i ka mediat e lira.
Shkalla e demokracisë matet me nivelin e lirisë së fjalës, lirisë së mendimit e të medias.
Janë tejet shqetësuese sulmet që u janë bërë gazetarëve e mediave, nga eksponentë të ndryshëm të pushtetit aktual.
Liria e mediave duhet të jetë e pacënueshme. Ky është obligim, jo vetëm kushtetues e ligjor, por edhe moral!
Sot në Ditën Botërore të Lirisë së Mediave, të bashkohemi në mbrojtje të këtyre vlerave të panegociueshme të demokracisë.
