Kryetari i AAK-së, Ramush Haradinaj, i ka shprehur ngushëllime familjarëve të katër të vdekurve në një aksident trafiku, mbrëmjen e së mërkurës në rrugën Ferizaj-Shtime, raporton teve1.info
Përmes një shkrimi në Facebook, Haradinaj ka shkruar se është i tronditur nga lajmi për vdekjen e të rinjve, derisa rastin e ka quajtur tragjik.
“Thellësisht i tronditur nga lajmi për vdekjen tragjike të katër të rinjve nga aksidenti mbrëmë në magjistralen Ferizaj – Shtime.
Ngushëllime të sinqerta për familjet që humbën më të dashurit e tyre dhe shërim sa më të shpejt për të lënduarit’, ka shkruar Haradinaj.