Ai këto qëndrime i ka thënë gjatë takimit me Përfaqësuesin Special të BE-së për dialogun Kosovë – Serbi, Miroslav Lajçak.
“Në takim me Përfaqësuesin Special të BE-së për dialogun Kosovë – Serbi, z. Miroslav Lajčak, ripërsërita qëndrimet tona për dialogun, domosdoshmërinë e rolit strategjik të Shteteve të Bashkuara të Amerikës dhe përkushtimin tonë për një Marrëveshje Gjithëpërfshirëse ligjërisht të obligueshme, e cila ka epilog njohjen reciproke mes dy vendeve”, ka shkruar Haradinaj.
Ai ka thënë se të dërguarin e BE-së e ka falënderuar për angazhimin e tij dhe të Bashkimit Evropian në këtë proces të rëndësishëm për Kosovën.
Lajçak sot ka takuar edhe kreun e PDK-së Memli Krasniqi, ndërsa të hënën është takuar edhe me kryeministrin Albin Kurti./teve1.info/
