Kryetari i Aleancës për Ardhmërinë e Kosovës, Ramush Haradinaj, që nga fillimi i nisjes e deri tek përfundimi i ngjitjes në bjeshkë nuk pushon për asnjë moment.
Haradinaj ka thënë se këtë e bënë në shenjë respekti për ish-luftëtarin e UÇK-së, Luan Haradinaj.
“Kur është vrarë Luani, e kom pas marr Luanin në shpinë me kthye trupin e pajetë Luanit, edhe nuk jam ndal najkun me të në shpinë. Atëherë mu ka dok 100 orë, por ndoshta ka zgjatë 6-7 ose 8 orë. Por, kemi qenë të ri, edhe ai (Luani) ka qenë i lehtë. E tani në shenjë respekti thash që nuk bëj pauza”, tha Haradinaj në emisionin “N’Kamp me Kujtesën”, në Tëvë1.
Haradinaj ka thënë se prej momentit që niset derisa të mbërrin më nuk ndalet, ani pse gjatë ngjitjes në bjeshkë ndalen të tjerët për të pushuar.
“Kur nisem deri kur të mbërrij në maje nuk ulna, mundem mu ndal me qëndru në këmbë me bisedu. Ulën tjerët, por vet nuk ulna, e bëj deri në maje nuk ulna. Në maje e bëjmë një pauzë jo të gjatë, e kur të kthehemi pastaj e shpërblejmë veten me një drekë-ashtu siç mundemi. Zakonisht jemi na shumica jonë si bjeshkatar shkojmë e negociojmë përpara një meny diku 7-8 ose 9 euro për person. Por, tash po na presin shumë mirë, pasi që na njohin -tash dhe thonë ‘Po, po, e dimë që jeni ju bjeshkatarët’”, ka thënë ai./teve1.info/
