“Unë mendoj që ka mundësi reale që në mes të muajve prill dhe qershor të arrihet marrëveshja finale mes Kosovës dhe Serbisë. Kjo do të përfshinte një marrëveshje obligative ligjore për njohje reciproke në kufijtë ekzistues e cila do të përfshinte shumë obligime ku për zbatimin e tyre do të caktohej një periudhë 2 vjeçare dhe një ekip për monitorim të implementimit”, ka thënë Haradinaj.
Sonte në emisionin “ResPublika” me Zijadin Gashin në Tëvë1, Haradinaj ka thënë se në rast se arrihet marrëveshja, ndërmjetësit e sotëm si Escobar dhe Lajçak do ta kishin rolin e garantimit edhe në të ardhmen për implementim të saj.
“Në këtë rast ndërmjetësit e sotëm si Escobar dhe Lajçak do ta kishin rolin e garantimit edhe në të ardhmen për implementim, pra do ta monitoronin implementimin mirëpo jo të gjitha qeshjet do të kryheshin me atë marrëveshje por obligimet kryhen me atë marrëveshje dhe implementimi i saj mund të ndodhë 1 deri në 2 vjet”, ka thënë ai.
