Kryetari i Aleancës për Ardhmërinë e Kosovës, Ramush Haradinaj ka thënë se mbi 211 mijë persona e kanë braktisur Kosovën në këto katër vitet e fundit.
Haradinaj thotë se qe katër vjet Kosova ka regres ekonomik e assesi progres dhe përkundër kësaj, Qeveria sipas tij, vazhdon me sjelljen e papërgjegjshme.
“Pagat e njëjta, çmimet e larta, perspektiva zero. Qeveria vazhdon sjelljen e papërgjegjshme. Nuk e pranon problemin por e vazhdon mashtrimin se më shumë po kthehen se sa që po shkojnë e të gjithë e dimë se askush nuk po kthehet. Kjo qasje urgjent duhet të ndryshojë!”, ka shkruar Haradinaj në Facebook./teve1.info/
