Koalicioni për Kosovën Fituese ka mbajtur takim në Rahovec.
Kryetari i Aleancës për Ardhmërinë e Kosovës, Ramush Haradinaj, pjesë e koalicionit tha se mbështetja që kanë marrë u jep forcë për të mos u ndalë.
“PO-ja e madhe e Rahovecit për Kosovën Fituese na jep forcë mos me u ndalë. Kemi udhëtuar bashkë, në ditë të vështira e në ditë të mira. Aleanca jonë me qytetin e traditës e të trimërisë, të familjes e të bujarisë, i ka qëndruar kohës. Si gjithmonë edhe sot na dhanë shpirt e fuqi për Kosovën Fituese-137. Faleminderit Rahovec!”, ka shkruar Haradinaj.
