Anëtari i kryesisë së Aleancës për Ardhmërinë e Kosovës (AAK), Daut Haradinaj ka komentuar situatën e fundit në vend me energji elektrike.
Haradinaj përmes një reagimi ka thënë se mafia energjetike do errësohet në bankat e të akuzuarve.
“Kur don edhe ka rrymë, edhe 24/7 rrymë edhe çmimi tre herë më lirë. Kosova do të ndriçojë shpejt, e mafia energjetike do errësohet në bankat e të akuzuarve”, ka shkruar ai.
Shumë vende në Kosovë ditëve të fundit po përballen me mungesë të energjisë elektrike.
Kryeministri i Kosovës, Albin Kurti ka thënë se kanë marrë me shqetësim ankesat e qytetarëve për reduktime të energjisë elektrike.
Ai ka thënë se këto shqetësime i kanë përcjellë në KOSTT dhe KEDS, nga të cilët kanë kërkuar angazhim maksimal për sigurim të energjisë.
“I kemi përcjell me shqetësime ankesat për reduktime të energjisë eklektike dhe i kemi përcjell te operatoret dhe rrjetit, transmetues dhe shpërndarës KOST dhe KEDS dhe kemi kërkuar nga ta angazhim maksimal në disa drejtime. Përkushtim innteziv në teren për zgjidhjen e problemeve teknike. Komunikim të qartë dhe të shpeshtë me qytetarët dhe finalizim të punimeve të nënstacionit të Ferizajt i cili do të zgjidh problemin e Ferizajt dhe do të ketë ndikim edhe në komunat tjera”, tha Kurti në adresimin e tij.
