Leonard Llolluni do të jetë kandidat i Aleancës për Ardhmërinë e Kosovës për kryetar të Komunës së Junikut. Kështu ka bërë të ditur kryetari i AAK-së, Ramush Haradinaj.
Haradinaj thotë se LLolluni “është pjesë e gjeneratës së re të politikanëve që u rritën me Aleancën”, raporton teve1.info
“Në këtë takim, z. Leonard Llolluni mori edhe zyrtarisht besimin për të qenë kandidat i AAK-së për kryetar komune i Junikut. Leonardi është pjesë e gjeneratës së re të politikanëve që u rritën me Aleancën. Ai shërbeu për disa vjet në Komunën e Junikut si drejtor i Zhvillimit Ekonomik, ku shkëlqeu me rezultate shumë të larta, veçanërisht në promovimin e turizmit në Junik. I përkushtuar dhe i përgjegjshëm në punë, ai fitoi besimin e elektoratit junikas, duke dalë më i votuari në zgjedhjet nacionale të vitit 2021, ndërsa në zgjedhjet e fundit partiake, ai mori udhëheqjen e Aleancës në Junik. Urime Leonard! Suksese të përbashkëta në rrugëtimin tonë drejt një të ardhmeje më të mirë për Junikun!” ka shkruar ai në Facebook.
