Kryetari i Aleancës për Ardhmërinë e Kosovës, Ramush Haradinaj, ka thënë se kushdo që i rrezikon ushtarët amerikanë në Kosovë, nuk i takon Kosovës.
Ai ka thënë se pavarësisht se çfarë shtetësie ka ose çfarë pozite do jetë në burg ose të ikë e fshehët nga Kosova.
“Kushdo që rrezikon ushtarët amerikanë në Kosovë, as nuk i takon Kosovës dhe as nuk do t’i takojë Kosovës. Është vetëm kundër Kosovës. Dhe, si armik i Kosovës do të trajtohet. Prandaj, ose do të jetë në burg ose do të ikë e fshehët nga Kosova! Pavarësisht çfarë shtetësie ka dhe çfarë detyre ka, ai-ajo-ata do të ndëshkohen!Të gjithë ju që keni përgjegjësi shtetërore, nëse e gjeni veten këtu, pas lutjes (edhe publike) amerikane për Qeverinë e Kosovës, dijeni se s’do ta keni mbrojtje petkun që ju mbështjellë përkohësisht”, ka shkruar Haradinaj.
Reagimi i tij vije pas deklaratës së ambasadorit amerikan i cili të martën tha se hapja e urës së Ibrit rrezikon edhe ushtarët amerikanë.
