Kusari-Lila tha se nga Haradinaj ka pritur një reflektim më serioz dhe thirrje për unifikim në vend të shpërfaqjes së egos politike.
“Si kërkues i kësaj seance si ish-kryeministër e njeri me kontribut të madh të luftës kisha pritur një reflektim më serioz dhe një thirrje e apel për unifikim në vend të shpërfaqjes së egos politike. Sot nuk jemi në një rrethanë normale, sot do të duhej Kuvendi të mblidhej dhe në një zë të dënonte heshtjen e deritanishme të agresionit rus ndaj Ukrainës”, tha ajo.
Ndërkaq, Haradinaj ka replikuar ndaj Kusari-Lilës duke i thënë se është e shkathët dhe në çdo parti ka dalë e zonja.
“Unë të respektoj shumë Mimozë. Je shumë e shkathët, në çdo parti ke dalë e zonja edhe mbi Vetëvendosjen ke hip. Ke kaluar 5-6 parti, pastaj po, ne jemi parti e vogël, por aq sa jemi, zërin tonë e kemi. Është e vërtetë që ju e keni penguar se kur e keni shti digitronin ju ka dalë shtrenjtë gazsjellësi me pare të Amerikës. Nuk mundeni me mohu faktin që keni shpreh mospajtime për dialog pa parime”, tha ai. /teve1.info/
