Kryetari i Aleancës për Ardhmërinë e Kosovës (AAK), Ramush Haradinaj, ka kujtuar heroizmin e familjes Meha në Prekaz në 43 vjetorin e rënies.
Haradinaj ka shkruar se rezistencën dhe trimërinë e Tahrit dhe Nebihut e pasoi UÇK-ja për dëshmi para historisë.
“Me nder e respekt, përulemi para trimërisë së Tahir e Nebih Mehës, që ranë në përballje të pabarabartë me qindra forca jugosllave. Rezistencën dhe trimërinë e Tahirit dhe Nebihut, e pasoi UÇK-ja për dëshmi para historisë, se ka kush i del zot atdheut, sakrificë që u kurorëzua me liri dhe shtet të pavarur. Lavdi të gjithë trimave të Kosovës!”, ka shkruar Haradinaj në Facebook./teve1.info/
