Në 25-vjetorin e rënies së heroit Mujë Krasniqi, kryetari i AAK-së, Ramush Haradinaj e ka kujtuar atë.
Haradinaj ka thënë se vendosmëria dhe trimëria e Krasniqit, janë të gdhendura në kujtesën e shqiptarëve, raporton teve1.info
“Porosinë e luftës për liri, komandant Kapuçi, e përhapi çdokund. Vendosmëria dhe trimëria e tij, janë të gdhendura në historinë dhe kujtesën e shqiptarëve. Mujë Krasniqi, i këndoi lirisë, e në kërkim të saj bashkë me trimat ranë tek kufiri që nuk ekziston më. Vepra e tyre madhore na shërben si udhërrëfyes në punën tonë të përditshme në forcimin e shtetit dhe ngritjes së mirëqenies së qytetarëve. Lavdi e përjetshme!”, ka shkruar ai në Facebook.
Sot mbushen 25 vjet nga rënia heroike e komandantit të Brigadës 113 të Zonës Operative të Drenicës, Mujë Krasniqi – Kapuçi dhe 41 bashkëluftëtarëve të tij, në kufirin shqiptaro-shqiptar.
