Kryetari i AAK-së, Ramush Haradinaj ka kujtuar betejën e Qafë Mullarit dhe heroin Ilaz Kodra.
Në një postim në Facebook, Haradinaj ka shkruar se në atë dite ishte bashkë me Fehmi e Xhevë Lladrovcin, Abedin Rexhën, Ali Ahmetin dhe luftëtarë të tjerë.
“Që nga ajo ditë jo vetëm që fitova respektin për Ilazin por kishim besim të madh se Ilazi do të bëhet shtyllë e luftës çlirimtare. Ashtu edhe ndodhi, ai luftoi heroikisht deri në rënien heroike në vendin e tij të dashur, në Drenicë, me bashkëluftëtarët e tij trima”, ka shkruar ai.
Haradinaj gjithashtu ka kujtuar dëshmorët dhe martirët e rënë në Vërboc, Shtuticë, Tërstenik, Dashec, Baks, Gllobar dhe fshatrat përreth.
“Në këto treva, shpirti i qëndresës është i përjetësuar. Ato mbesin në kujtesën historike si simbole të guximit dhe përkushtimit për Atdheun”, ka shkruar Haradinaj./teve1.info/
