Kryetari i AAK-së, Ramush Haradinaj ka kujtuar Agim Ramadanin në 24-vjetorin e rënies së tij si njëri prej komandantëve më të shquar të UÇK-së.
Haradinaj në Facebook tha se rënia e Agim Ramadanit dhe bashkëluftëtarëve të tij ishte humbje e madhe për UÇK-në, por sipas tij, po aq e madhe ishte vendosmëria për ta vazhduar rrugën drejt lirisë.
“Kujtojmë sot trimat e UÇK-së, heronjtë e thyerjes së kufirit mes shqiptarëve, Abush Loku, Bashkim Jasiqi, Ramiz Krasniqi, Rifat Çelaj, Arben Jusufi, Driton Veliu, Emri Curri, Harun Beka, Rifat Salihaj, Rrahman Tafa dhe Sylejman Shala, të udhëhequr nga Agim Ramadani, luftëtari, strategu e artisti që kishte kuptuar konceptin e lirisë në thellësinë e tij. Rënia e tyre heroike 24 vjet më parë ishte humbje e madhe për UÇK-në, por po aq e madhe ishte vendosmëria për ta vazhduar rrugën drejt lirisë. Lavdi e përjetshme Agim Ramadanit dhe gjithë dëshmorëve që u flijuan për lirinë e Kosovës!”, ka shkruar ai./teve1.info./
