Kryetari i AAK-së, Ramush Haradinaj thotë se anëtarësimi i menjëhershëm i Kosovës në NATO është zgjidhja e duhur tani.
Sipas tij, institucionet e sigurisë duhet të bëhen bashkë për të mos lejuar që situata të dalë jashtë kontrollit, përcjell teve1.info
“Ftesa për Kosovën në NATO, anëtarësimi i menjëhershëm dhe i plotë është zgjidhja. KFOR ta angazhojë FSK-në në patrullime të përbashkëta dhe të bashkëpunojnë ngushtë me Policinë e Kosovës dhe Eulex-in. Të gjitha institucionet e sigurisë të bashkohen për të mos lejuar që situata të dalë jashtë kontrolli, si në aspektin politik, të sigurisë dhe në ekonomi. Kosova në NATO, është zgjidhja tani! Agresioni rus ndaj Ukrainës e konfirmon këtë”, ka shkruar ai në Facebook.
