Haradinaj përmes një postimi në Facebook, tha se me de Riun kanë biseduar për zhvillimet politike në vend dhe sfidat që po kalon Kosova.
“Kisha kënaqësinë të pres sot ambasadorin Italian në Kosovë, Shkëlqesinë e tij, Antonello De Riu, me të cilin bashkëbiseduam për zhvillimet politike në vend dhe sfidat nëpër të cilat po kalon vendi ynë. Falënderues për rolin e Italisë, si në të kaluarën ashtu edhe në këto ditë të rëndësishme për Kosovën”, ka shkruar ai.
Sipas tij, Italia dhe Kosova kanë krijuar një partneritet i cili vetëm se duhet të thellohet drejt proceseve të rëndësishme siç janë integrimi në NATO dhe dialogu që do të përfundojë me njohje reciproke mes Kosovës dhe Serbisë. /tëvë1.info/
