Kryetari i AAK-së, Ramush Haradinaj ka reaguar pas sulmit të mbrëmshëm ndaj gazetarit Valon Syla.
Haradinaj e ka cilësuar si të papranueshëm sulmin ndaj Sylës teksa ka apeluar të organet e rendit që ta zbardhin rastin.
Madje Haradinaj tha se fjala e lirë është garanci e demokracisë në një shoqëri që aspiron të ardhme të sigurt.
“I papranueshëm sulmi qyqar ndaj gazetarit Valon Syla! Apeloj tek organet e rendit që të zbardhin rastin dhe uroj të jetë i fundit! Fjala e lirë është garancë e demokracisë në një shoqëri që aspiron një të ardhme të sigurt”, ka shkruar ai.
Ndryshe për sulmin ka reaguar edhe Asociacioni i Gazetarëve të Kosovës, e që sipas tyre ky sulm është krejtësisht i papranueshëm dhe përpjekje serioze për të penguar dhe minuar lirinë e shprehjes dhe lirinë e medies në Kosovë./teve1.info./
https://teve1.info/lajmet/sulmohet-analisti-valon-syla/
