Kryetari i Aleancës për Ardhmërinë e Kosovës, Ramush Haradinaj, në kuadër të vizitës në ShBA, ka takuar Senatoren amerikane nga shteti i lowa-s, Joni Ernst.
Njëherit, Haradinaj ka falënderuar kontributin e lartë të shtetit të lowa-s në shtetndërtimin e Kosovës.
‘’Partneriteti i ngushtë i Kosovës me shtetin e Iowa-s është dëshmia më e mirë e orientimit tonë pro-amerikan.Pata kënaqësinë që ta falënderoj nga afër Senatoren amerikane nga shteti i Iowa-s, Joni Ernst, gjatë takimit që zhvilluam në senatin amerikan në Washington.Në shtetndërtimin e Kosovës, kontribut të lartë ka dhënë edhe shteti i Iowa-s, përmes bashkëpunimit në shumë fusha, si në arsim dhe ekonomi por edhe në rritjen e kapaciteteve të Ushtrisë së Kosovës’’, ka shkruar Haradinaj.
Haradinaj po ashtu ka përmendur edhe kontributin e Gardës Nacionale të lowa-s në forcimin e FSK-së, e që të cilin e ka vlerësuar si një ndër të arriturat kulminante të këtij bashkëpunimi.
‘’Miqtë si Ernst duhet t’i mbajmë përherë afër vetes!’’, ka shtuar tutje Haradinaj në Facebook./teve1.info/.
