Kryetari i AAK-së, Ramush Haradinaj, ka uruar shënimin e ditëlindjes së 74-të themelimit të NATO-s, raporton teve1.info.
Haradinaj ka thënë se fuqinë e drejtësisë së Aleancës së madhe e përjetoi edhe populli i Kosovës.
“Fuqinë e drejtësisë së kësaj Aleance të madhe, e përjetoi edhe populli i Kosovës, në momentet më vendimtare të historisë së tij për çlirim, për çka jemi mirënjohës përgjithmonë”, ka shkruar Haradinaj.
Sipas Haradinaj, Kosova është kontribuuese në ushtri, në misione ndërkombëtare paqeruajtëse të NATO-s.
“Si popull i lirë me orientim të natyrshëm euro-atlantik, ne synojmë që të jemi pjesë e barabartë e aleancës së shteteve të NATO-s, udhëhequr nga ShBA-të. Besoj shumë që Kosova e ka vendin në NATO, për të qenë krah miqve tanë për ta ndihmuar paqen dhe lirinë”. /teve1.info/
