Kryetari i Aleancës për Ardhmërinë e Kosovës, Ramush Haradinaj ka konfirmuar se deputeti i zgjedhur i Partisë Unike Gorane, Adem Hoxha, i është bashkuar këtij subjekti politik.
Ai ka thënë se janë të hapur edhe për përfaqësues të komuniteteve të tjera.
“Po duket po e kemi filluar njëfarë marrëdhënie të përbashkët ai e konfirmon vet por ne jemi të hapur edhe për këtë edhe për të tjerë që nuk kanë grup e ne na mungojnë deputetë”, ka deklaruar Haradinaj.
Nërkaq, i pyetur nëse ka marrëveshje mes Lëvizjes Vetëvendosje dhe Nismës ai ka thënë se nuk ka informacion por iu ka bërë thirrje atyre dhe të gjithë deputetëve të komuniteteve joserbe që t’i bashkëngjiten sipas tij ‘ndryshimit për Kosovën’
“Për besë nuk e di, po përflitet ajo që ne iu themi gjithë deputetëve jo vetëm të Nismës por gjithë deputetëve ndryshimi është i domosdoshëm për Kosovën ata që e ndihmojnë ndryshimin kuptohet i mbajnë edhe përgjegjësitë për ndryshim Në këtë rast edhe deputetëve të komuniteteve joserbe i ftojmë të na bashkohenata që e ndihmojnë vazhdimin le ti mbajnë përgjegjësitë”, ka thënë ai,
