Reduktimet e shumta të energjisë elektrike javën e fundit në vend bënë që të reagojë edhe kryetari i AAK-së.
Haradinaj u shpreh i ashpër me Kurtin duke e quajtur atë, një argat të Serbisë.
“Argati i Serbisë, Albin Kurti, ai është përgjegjësi, ai e ka penguar çdo investim në energji ndër vite. Së fundi ka arritur të ndalë edhe gazsjellësin, edhe një central me gaz, pra energji e pastër Prishtinë që mos të ketë energji, kuptohet vonë u morr vesh pse i kanë pengu këto investime, për shkak se është direkt i lidhur në shitblerjen e energjisë në përfitimet e këtyre shitblerjeve dhe fatkeqësisht e kemi gjendjen si e kemi. Pra shkaktar kryesor është Albin Kurti jo vetëm që nuk kemi energji, por ai është dashur të thirret në Prokurori për dëmin që ia bën Kosovës, sepse në vend që Kosova të ketë energjinë e saj të lirë me ato centralet termocentralet ku megavati ka mundur të jetë 80 euro, ky e blen deri në 1 mijë euro, pra dy herë ia faturon çmimin qytetarit, njëherë e blen nga buxheti e pastaj ia faturon edhe njëherë me çmime të ngritura”, tha kreu i AAK-së.
Kryeministri Kurti e kishte dëshpëruar, sië është shprehur edhe kryetarin e Bashkimit Demokratik për Integrim Ali Ahmeti.
Kjo, pasi kryeministri kishte thënë se në Maqedoninë e Veriut “nuk ekziston ligj për përdorimin e gjuhës shqipe”.
“Mua më ka dëshpëruar dhe kam dashur të besoj, dhe besoj që kryeministri i Kosovës ka qenë i keq informuar nga politikanët në Maqedoni, lidhur me gjuhën zyrtare shqip. Gjuha shqipe është zyrtare dhe e sanksionuar me Kushtetutë dhe me marrëveshjen paqësorë të Ohrit, është njëra nga shtyllat kryesore të marrëveshjes. Flamuri kombëtar shqiptar, gjuha shqipe e arsimi sipëror dhe përfaqësimi i drejtë”, ka thënë Ahmeti.
Ai shprehet optimist se Kurti do të reflektoj mbi këtë çështje.
“Uroj që të reflektojë sepse ka ngjallur indinjatë tek shqiptarët e Maqedonisë, sepse është një organizim tepër i mobilizuar i bashkëqytetarëve tanë Maqedonas, për të abrogua ligjin për përdorimin e gjuhës shqipe në nivel shtetëror ashtu siç është e sanksionuar me ligj dhe ma marrëveshje të Ohrit. Për çështje madhore të gjithë duhet të jemi bashkë sepse për atë gjuhë Kosova ka djem që janë varrosur”, tha kryetari i BDI-së.
Lideri i BDI-së ka folur edhe për çështjen e ish-zëvendëskryeministrit nga radhët e kësaj partie Artan Grubin.
Sipas Ahmetit, Grubi është i gatshëm të përgjigjet përpara organeve të drejtësisë, të respektojë ligjet, por jo me drejtësi hakmarrëse e selektive.
Kurse shprehët se i vjen keq për raportet e ftohura të Kosovës me BE-në dhe SHBA-në.
