Kryetari i Aleancës për Ardhmërinë e Kosovës, Ramush Haradinaj ka thënë se kryeministri Albin Kurti me pranimin e djeshëm te propozimit të pesëshes për implementim, e ka vendosë Kosovën në pozicion të duhur pas shumë gabimeve.
Derisa theksoi se pas kësaj, Bashkimi Evropian do të duhej t’i largonte sanksionet ndaj Kosovës, pasi sipas tij, tanimë ato janë të pakuptimta.
“E ka vendosë Kosovën në pozicion të duhur pas shumë gabimeve dhe pas një kohe të gjatë të humbur në dialog. Sipas bindjes time me zhvillimet e djeshme BE-ja duket t’ia heq sanksionet Kosovës menjëherë, kryeministri i Kosovës e ka marrë gatishmërinë për ta zbatuar dokumentin që e ka sjellë pesëshja. Me këtë besoj që Bashkimi Evropian duhet menjëherë me na i hjekë sanksionet, është e pakuptimtë me vazhdu me sanksione për Kosovën”, tha Haradinaj në Kuvendin e Kosovës.
“Besoj edhe presidenti Macron ndihet mirë që Kosova i ka mbajtë fjalët, pra plani franko gjerman, udhërrëfyesi i Ohrit, obligimet e marra janë konfirmu dje me gatishmërinë për zbatim”, shtoi Haradinaj./teve1.info./
