Haradinaj njoftoi se në frymën e marrëdhënieve të shkëlqyera mes dy vende kaloi edhe takimi me Gjukanoviqin.
Më tej, Haradinaj tha se së bashku me Malin e Zi do të bëjnë realitet obligimet që i kanë marrë, për të përmbyllur me sukses demarkimin e kufirit me korrigjim në sektorët e caktuar, raporton teve1.info
“Bashkë do të qëndrojmë përballë çdo rreziku që ka për qëllim destabilizimin e Ballkanit, bashkë në rrugën euroatlantike, bashkë në agjendat e tjera me rëndësi për të dyja shtetet, e po ashtu bashkë do të bëjmë realitet edhe obligimet që kemi marrë, për të përmbyllur me sukses demarkimin e kufirit, me korrigjim në sektorët e caktuar”, ka shkruar lideri i AAK-së në Facebook.
Haradinaj ka falënderuar Gjukanoviqin për mbështetjen dhe gatishmërinë e Malit të Zi për të përkrahur anëtarësimin e Kosovës në organizata ndërkombëtare, me theks të veçantë në NATO dhe Këshillin e Evropës./teve1.info
