Kryetari i Aleancës për Ardhmërinë e Kosovës, Ramush Haradinaj, është takuar me Amy English, këshilltare speciale e senatores amerikane Jeanne Shaheen.
Haradinaj, e ka falënderuar English për angazhimin dhe kujdesin e ShBA-së, duke cekur “veçanërisht në këto rrethana jo të lehta për vendin”.
“Me znj. English bashkëbiseduam për zhvillimet aktuale në vend, ku e informova për shqetësimin tim dhe të Aleancës për veprimet e pakoordinuara te Kryeministrit në veri dhe dobësimin e aleancës tonë me ShBA. Gjithashtu e informova për qëndrimet e Aleancës për depërshkallëzimin e situatës në veri të vendit”, ka shkruar Haradinaj në Facebook.
Haradinaj ka thënë se arritjet e deritashme si shtet janë falë bashkëpunimit me aletatët, në veçanti duke përmendur ShBA-të.
“Arritjet e deritanishme si shtet i kemi falë bashkëpunimit me aleatët tanë, me ShBA-të në veçanti. Aleanca mes dy vendeve tona është e përjetshme dhe duhet të zhvillohet e forcohet çdo ditë”, ka shkrur tutje ai./teve1.info/
