Kryetari i Aleancës për Ardhmërinë e Kosovës, Ramush Haradinaj, ka reaguar pas shpalljes së rezultatit përfundimtar nga Komisioni Qendror i Zgjedhjeve.
Haradinaj i ka falënderuar për përkrahjen votuesit.
“E dimë saktë se, sado që jemi në numër dhe përfaqësim, nuk do të rreshtim së punuari për një Kosovë të sigurt, të zhvilluar e të avancuar ndërkombëtarisht. Do të jemi këtu, gjithmonë në shërbimin e secilit qytetar, pa përjashtim. Aleanca ka qenë dhe është në kontratë të përjetshme vetëm me qytetarin e Kosovës. Kosovë, paç ditë të bardha përpara!”, shkroi Haradinaj në Facebook.
AAK-NISMA me partnerët e tjerë të koalicionit, ka arritur të marrë 66 mijë e 256 vota apo 7.06 për qind.
