Haradinaj gjatë debatit përmendi edhe refuzimin e gazsjellësit amerikan, që sipas tij, u bë nga Kurti dhe Osmani “me vetëdije të plotë”.
“Nuk mund të më bindësh që Vjosa Osmani është aq e padijshme sa mos ta dijë çfarë do të thotë refuzimi i gazsjellësit. Dhe nuk ka kush që më bind në botë që Albin Kurti është aq i padijshëm sa mos ta dijë çfarë do të thotë ai refuzim. Kur këta të dy së bashku me vetëdije e kanë bërë një refuzim të tillë është marre me heshtë ne”, tha ai për Tëvë1.
Sipas Haradinajt, majtizmi ekstrem nga dy liderët e shtetit mund të vie si shkak nga përkatësia e tyre apo vendi nga vinë.
“Ma merr mendja se majtizmi i tyre mund të jetë nga përkatësia, me çfarë bindje janë rritur, nga vijnë. Pra përkatësia ideologjike ose majtizmi ekstrem, e që në fund të fundit lidhjen e ka në Moskë”, tha Haradinaj.
Haradinaj edhe më herët në Tëvë1 në emisionin “Respublika” ka theksuar se është habitur që presidentja e Kosovës, Vjosa Osmani, nuk është distancuar nga vendimi për refuzimin e projektit të gazit.
