Kryetari i Aleancës për Ardhmërinë e Kosovës, Albin Kurti, tha se partia që e drejton e mbështet shpërbërjen e Kuvendit të Kosovës, por vetëm pas dorëheqjes së kryeministrit Albin Kurti, raporton teve1.info
Përmes një statusi në Facebook, Haradinaj ka shkruar se të gjitha dështimet e Kosovës në këtë situatë e mbajnë emrin e qeverisë së udhëhequr nga Albin Kurti.
“Sidoqoftë, Aleanca për Ardhmërinë e Kosovës, do të mund ta mbështeste shpërbërjen e Parlamentit, vetëm pas dorëheqjes apo shkarkimit të Kryeministrit. Në situatën në të cilën jemi aktualisht, të gjitha dështimet e Kosovës, brenda dhe jashtë, e kanë vetëm një emër – Qeveria e udhëhequr nga Albin Kurti!”, ka shkruar Haradinaj.
Ai ndër të tjera ka thënë se me kërkesën për shpërbërje të Parlamentit, Kurti po e kërkon shpëtimin e vet.
“Është aktualizuar së fundmi një nismë për shpërbërjen e Parlamentit. S’ka asnjë mëdyshje se prapa kësaj nisme është Kryeministri. Duket që po i rrëshqet toka nën këmbë dhe dëshpërimisht po e kërkon shpëtimin e vet. Në këtë prizmë duhet parë edhe insistimi i tij që pas tre vjet qeverisjeje, më në fund kërkon takim me liderët e opozitës, në mos ata po bëhen shpëtimtarët e tij”, ka shkruar Haradinaj në Facebook.
