Përmes një postimi në Facebook, Haradinaj thotë se kjo ditë e gjen Kosovën pa Ligj të Pagave, pa rritje të pagave, pa sigurim shëndetësor dhe pa shtesa të fëmijëve e pa shpresë për ditë të mira.
“Dita e punëtorëve, punëtorët kosovarë i gjenë në një situatë të rëndë. Qindra mijëra punëtorë të sektorit privat pothuaj se janë lënë pasdore, ndërkohë që edhe sektori publik me këtë shtrenjtimin enorm të jetesës, e ka të vështirë ta lidh fillimin me fundin e muajit!”, shkroi ndër tjerash ai.
Për këtë, kreu opozitar fajësoi Qeverinë – për çka thotë se kjo e fundit duhet “t’i lërë fjalët e t’iu kthejë dinjitetin punëtorëve”.
“Urimi im për të gjithë punëtorët e Republikës së Kosovës në këtë 1 Maj është, Paçit ditë më të mira!”, shkroi tutje ai./teve1.info/
