Ministri i Bujqësisë, Faton Peci, ka bërë të ditur se është hapur aplikimi Programi për Pagesa Direkte-Subvencione 2023.
Ky aplikim zgjat 30 ditë dhe fillon më datë 28.02.2023 dhe përfundon më datë 29.03.2023, në orën 16:00.
“Sa i përket aplikimit për kulturat me sipërfaqe të cilat duhet të digjitalizohen, më lejoni që t’iu informoj se aplikimi fillon nga data 17.03.2023, për arsye të ndryshimeve të nevojshme në sistemin për digjitalizimin e parcellave (LPIS); me qëllim të rritjes së transparencës dhe meritokracisë”, ka shkruar ministri në një postim në Facebook.
Ministri ka njoftuar se aplikimi bëhet në zyrat e Drejtorive Komunale për Bujqësi.
Tutje, ministri ka thënë se: “Në rastet kur aplikoni për disa kultura apo aktivitete bujqësore, plotësohet dhe dorëzohet vetëm një aplikacion”.
Për kriteret dhe dokumentacionin e nevojshëm për aplikim, informatat e hollësishme mund t’i gjeni në web faqen e MBPZHR-se, www.mbpzhr-ks.net dhe në web faqen e AZHB-se, www.azhb-ks.net, si dhe tek Drejtoritë Komunale për Bujqësi.
