Barcelona dhe Benfica nuk pritet që të bëjnë ndryshime të mëdha në planet e tyre për ndeshjen e dytë të 1/8-tës në Ligën e Kampionëve.
Këto dy ekipe patën një përballje të fortë në Portugali e cila përfundoi me fitoren e blaugranasve me rezultat minimal 1-0, të cilin e arritën me 10 lojtarë në fushë pas përjashtimit të Pau Cubarsit.
Sipas Mundo Deportivo, Ronald Araujo do ta zëvendësojë Cubarsin në formacionin startues për shkak të asaj që ndodhi në Lisbonë.
Olmo është dyshimi tjeër sipas të përditshmes katalanase, por ai pritet që të luajë para Gavit në këtë takim.
Hansi Flick ndihet se ai i deytohet Olmos shumë pas sakrificave që bëri në ndeshjen e parë.
Inigo Martinez po ashtu do të duhet të tregohet tejet i kujdesshëm, pasi ai është një karton larg suspendimit për ndeshjen e parë çerekfinale në rast se Barcelona kualifikohet.
Pasi Flick deklaroi se Robert Lewandowski është plotësisht i gatshëm për Benfican, duket që polaku do të mbetet pjesë e formacionit gjithashtu.
Për Benfican, do të ketë po ashtu një ndryshim për shkak të suspendimit, pasi Alvaro Carreras i ndëshkuar me karton të verdhë në ndeshjen e parë, do të zëvendësohet nga Samuel Dahl.
Dyshimi tjetër i trajnerit Bruno Lage është pozita e mbrojtësit të djathtë, atje ku Tomas Araujo po vuan nga një lëndim dhe mund të zëvendësohet nga 19-vjeçari Leandro Santos.
