Me siguri keni në rrethin familjar ose shoqëror njerëz që edhe pse hanë shumë apo nuk merren me asnjë aktivitet fizik nuk shëndoshen madje dobësohen.
Një studim që u botua së fundmi në “The American Journal of Clinical Nutrition” ka vendosur të zbulojë sekretin e njerëzve që janë në super formë fizike edhe pse nuk bëjnë asgjë për këtë. Duket se qelizat e tyre yndyrore janë më efikase se tonat. Pra, është diçka gjenetike.
Hulumtimi u krye në 30 vullnetarë, burra dhe gra, me një indeks të masës trupore të barabartë ose më pak se 18.5. Ata hanin normalisht dhe studiuesit thjesht kryenin analiza mbi indin dhjamor të bardhë dhe mostrat e gjakut, urinës dhe jashtëqitjes. Në këta njerëz, qelizat yndyrore përmbajnë gjene që merreshin me shkrirjen e yndyrës.
Ata ishin madje 40% më të vegjël. Një tjetër ndryshim u gjet në mitokondrinë më aktive në njerëz natyrisht më elegant, raporton TCH.
Kjo do të thotë që qelizat e tyre të dhjamit ishin në gjendje ta digjnin atë më shpejt, duke shmangur marrjen e peshës.
Ka disa arsye se pse ndiheni vazhdimisht të uritur. Llojet e ushqimeve që hani, nëse keni humbur peshë kohët e fundit, sa stërviteni dhe sa flini, të gjitha mund të ndikojnë në atë se sa shpesh ndiheni të uritur ose stomaku juaj është vazhdimisht i zhurmshëm, thotë për ‘Washington Post’, profesoresha e mjekësisë Ellen A. Schur, MD, MS. Hulumtimet kanë treguar se uria nuk është e njëjtë për të gjitha ushqimet. Nëse jeni të uritur me siguri keni dëshirë për ushqime të pasura me sheqer, karbohidrate ose yndyrë.
Kjo mund të jetë arsyeja pse njerëzit rrallë thonë se dëshirojnë një mollë. Në vend të kësaj, ne priremi të dëshirojmë patate të skuqura, biskota ose pica. A e keni vënë re që teksa vitet kanë kaluar ju keni shtuar peshë?! Një studim ka zbuluar se gjatë plakjes qarkullimi i lipideve në indin dhjamor zvogëlohet dhe bëhet më i lehtë shtimi në peshë, edhe nëse nuk hamë më shumë ose nuk bëjmë më pak aktivitet fizik se më parë. Studimi ekzaminoi 54 burra dhe gra për një periudhë prej rreth 13 vitesh dhe të cilët treguan një ulje të shpejtësisë me të cilën hiqen dhe ruhen lipidet, ose yndyrnat, në qelizat yndyrore.
