Kandidati i PDK-së për kryeministër, Bedri Hamza të hënën ka vizituar Organizatën e Veteranëve të Luftës së UÇK-së.
Hamza ka thënë se i ka ofruar mbështetjen e nevojshme kryetarit të rizgjedhur, Hysni Gucatit.
Ai ka shtuar se do ta rrisin për 50% përkrahjen financiare për familjet e dëshmorëve, invalidët e luftës dhe veteranët e UÇK-së.
“Një vizitë në Organizatën e Veteranëve të Luftës së UÇK-së për t’i uruar për zgjedhjet e tyre dhe për t’i ofruar kryetarit të rizgjedhur, z. Hysni Gucati, mbështetjen e nevojshme. Kategoritë e dala nga lufta do ta kenë gjithmonë mbështetjen time dhe për 50% do ta rrisim përkrahjen financiare për familjet e dëshmorëve, invalidët e luftës dhe veteranët e UÇK-së. Kosova mundet ma mirë! Ne besojmë në këtë dhe do ta bëjmë realitet”, ka shkruar ai në Facebook.
