Kandidati për kryeministër nga PDK-ja, Bedri Hamza, ka zbuluar pesë zotimet e tij të para nëse do të udhëheqë Qeverinë e Kosovës.
Përmes një videoje në Facebook, Hamza bëri të ditur se prioriteti i tij i parë është rritja prej 50% e pagave për të gjithë punëtorët e sektorit publik.
Ai premtoi gjithashtu rritjen e pensioneve me 50%, duke përfshirë ndihmat sociale, me pensionin më të ulët të garantuar në 250 euro.
Hamza njoftoi gjithashtu masa për uljen e tatimeve si reduktim i tatimeve mbi pagat për të rritur të ardhurat neto të punëtorëve, ulje e TVSH-së për produktet esenciale dhe për disa prej tyre TVSH-ja do të bëhet zero, për të ulur çmimet dhe eqje e TVSH-së për energjinë elektrike.
“Do t’i ulim tatimet për pagat ashtu që secili punëtor të marrë më shumë para në fund të muajit. Do ta ulim TVSH-në për produktet esenciale dhe për shumë prej tyre do ta bëjmë zero ashtu që çmimet e tyre të ulen. Do ta heqim TVSH-në për energjinë elektrike, për faturë më të ulët dhe më të përballueshme”, ka premtuar kandidati Hamza.
